0
0
काठमाडौं । यतिवेला अनेरास्वियुको नयाँ नेतृत्व चयनकाे प्रक्रियाले धेरैकाे ध्यान त्यतातिर तानेकाे छ । उम्मेद्बार आफू अनुकुलकाे लबिङमा छन् । नेतृत्वलिन धेरैकाे कसरत छ ।
नेकपा एमालेको भ्रातृ संगठन अखिल नेपाल राष्ट्रिय स्वतन्त्र विद्यार्थी युनियन अनेरास्वियुको २३औँ महाधिवेशनको नेतृत्व चयनमा सहमति नभए मतदान प्रक्रियाबाट टुंगो लगाउने तयारी भएको छ ।
त्यसका लागि विद्युतीय मतदानको व्यवस्था भइसकेको अखिलका नेताहरूले बताएका छन् । अखिलको अध्यक्षका लागि निवर्तमान वरिष्ठ उपाध्यक्ष आरसी लामिछाने, महासचिव समिक बडाल, मोती विश्वकर्मा र झपिन्द्र खत्रीले दाबी गरिरहेका छन् ।
यसैगरी, अध्यक्ष पछिको अर्को महत्वपूर्ण पद महासचिवमा पनि धेरै आकांक्षी देखिएका छन् । महासचिवमा निवर्तमान उपमहासचिवहरू नारायण घर्ती, सुर्दशन सिवाकोटी, गोविन्द गिरी, भाष्कर खनाल, नरेश रोकाया र धर्म गिरीले दाबी गरिरहेका छन् ।
उपाध्यक्षमा मर्यादा विष्ट, प्रकाश भुजेल, एलबी सिंह,किरण सापकोटा, पंकज भण्डारी र दिपेश प्रसाईंले दाबी गर्दै आएका छन् ।
उपाध्यक्ष पदका लागि एक मात्र महिला उमेदवार मर्यादा विष्टले आफ्नो दावी रहेको र एकमात्र महिला उम्मेदवार भएकाले सबैले आफू प्रति बिश्वास र माया प्रकट गर्नेमा आफू आशावादी रहेको बताउनु भयो । लामाे समयदेखि राजनीतिमा हाेमिएकी उनी सक्षम, क्षमतावान् युवा नेत्री भएकाले उनकाे जितले अनेरास्वियु थप बलियाे बन्ने नेताहरूले बिश्वास लिएका छन् । नेताहरूले सबैपदमा सबल सक्षम नेतृत्व चयन गर्न अनुराेध गरेका छन् ।
सचिवमा सबैभन्दा बढी दाबेदार रहेका छन् । जसमा राजेश नेपाली ,आरके रोमस, अन्जना सिवाकोटी, सुरेश भट्टराई, सन्जय दवाडी, सरोज पोखरेल, सजिना थापामगर, रक्षा बम, रिता ढकाल, मदन विष्ट, कृष्ण बम, मनोज ताम्ली, सुरेश अधिकारी र इन्द्र पौडेलले दाबी गर्दै आएका छन् । कोषाध्यक्षमा प्रदीप जीसी र प्रजोल फुयाँलले दाबी गर्दै आएका छन् ।
