प्रहरीद्वारा झापामा चार करोड मूल्यको सामान बरामद
![](https://ekharipati.com/wp-content/uploads/2023/07/dpo-scaled-1-1024x824.webp)
भन्सार छली तथा अबैध चोरी पैठारी गरी नेपाल भित्र्याइएको झण्डै चार करोड मूल्य बराबरको सामग्री जिल्ला प्रहरी कार्यालय झापाले बरामद गरेको छ ।
आर्थिक वर्ष २०७९/०८०मा जिल्ला प्रहरी कार्यालय झापाले चोरी पैठारी गरी नेपाल भित्र्याइएको तीन करोड ९८ लाख ३६ हजार तीन सय ६४ रुपैयाँ मूल्य बरावरको सामग्री बरामद गर्दै भन्सार बुझाएको जिल्ला प्रहरी कार्यालय झापाका प्रहरी नायव उपरीक्षक खगेन्द्र रिजालले बताए । उनका अनुसार चोरी पैठारीमा संलग्न २८ वटा सवारी साधनसहित १३ जनालाई पक्राउ गरिएको छ ।
खुल्ला सीमानाका कारण झापाका विभिन्न नाकाबाट भन्सार छली नेपाल भित्र्याउँदै गरेको अवस्थामा प्रहरीले उक्त परिमाण बरावरको अबैध सामग्री बरामद गरेको बताइएको छ । चोरी पैठारी नियन्त्रणका लागि प्रहरीले पछिल्लो समय सक्रियता समेत बढाएको प्रहरी नायव उपरीक्षक रिजालले बताए ।
Source: Purwanchal Daily