फेरिए जाजरकोट र अछामका सिडिओ
गृह मन्त्रालयले जाजरकोट र अछाममा नयाँ प्रमुख जिल्ला अधिकारी (सिडिओ) पठाएको छ।
जाजरकोटको रिक्त सिडिओमा हाल मन्त्रालयमा कार्यरत उपसचिव सुरेश सुनारलाई पठाएको छ।
अछाममा जिल्ला प्रशासन कार्यालय मोरङमा कार्यरत सहायक सिडिओ उपसचिव शरदकुमार पोखरेललाई पठाइएको छ।अछाममा रहेका सिडिओ शिवराम न्यौपानेले स्वास्थ्य समस्याका कारण मन्त्रालयमा सरूवा माग गरेकाले पठाइएको मन्त्रालयले जनाएको छ।
सुनारले पनि यसअघि मोरङ र बाँकेमा सहायक सिडिओका रूपमा काम गरेको अनुभव छ। उनी डोल्पा र बझाङमा सिडिओ भइसकेका छन्।
त्यस्तै, पोखरेललाई मुगु र दार्चुलामा सिडिओ भएको अनुभव छ।
उनी राष्ट्रिय परिचयपत्र विभाग तथा प्रहरी किताबखानाका निर्देशक समेत भइसकेका छन्।
उनले काठमाडौं, तनहुँ, धनुषा र मोरङमा सहायक सिडिओको रूपमा काम गरिसकेका छन्।
Source: Setopati
