संसद बैठक ११ बजे बस्दै, सांसदले साधेका प्रश्नकाे प्रधानमन्त्रीले जवाफ दिने कार्यसूची
काठमाडौं । प्रतिनिधिसभाको बैठक आज बिहान ११ बजे बस्दै छ । आजको बैठकमा सांसदले सोधेका प्रश्नको प्रधानमन्त्री पुष्पकमल दाहालले जवाफ दिने कार्यसूची छ ।
प्रधानमन्त्रीसँगको प्रत्यक्ष प्रश्नोत्तरका लागि १३ सांसदले लिखित प्रश्न पेश गरिसकेकाे संघीय संसद सचिवालयले जानकारी दिएकाे छ । नेपाली कांग्रेसका महामन्त्री गगन थापा र सांसद किशोरसिंह राठौरसहित १३ सांसदले प्रश्न पेश गरेका हुन् ।
यसैगरी प्रमुख प्रतिपक्षी दल नेकपा एमालेका सांसद कृष्णगोपाल श्रेष्ठ, गोकर्ण विष्ट, रास्वपाका सांसद गणेश पराजुली र राप्रपाका सांसद गीता बस्नेतलगायतले प्रश्न सोधेका छन् ।
संसदको तेस्रो अधिवेशनको तेस्रो बैठकमा प्रधानमन्त्री दाहालले आफ्नो कार्यक्षेत्रसँग सम्बन्धित विषयमाथि उठेका प्रश्नहरुको प्रत्यक्षरुपमा जवाफ दिन लाग्नुभएकाे हाे ।
