आज राष्ट्रिय सभा उपाध्यक्षको निर्वाचन
झापा । राष्ट्रिय सभा उपाध्यक्षको निर्वाचन आज हुँदैछ। संघीय संसद् भवन नयाँ बानेश्वरमा दिउँसो सवा १ बजे बस्ने बैठकले निर्वाचन प्रक्रिया अघि बढाउने छ। राष्ट्रिय सभा उपाध्यक्षका लागि सत्तारूढ दलहरूले नेकपा (एमाले)की सांसद विमला घिमिरेलाई अघि सारेका छन्।
त्यस्तै नेपाली कांग्रेसले विष्णुदेवी पुडासैनीलाई उम्मेद्वार बनाएको छ। राष्ट्रिय सभामा माओवादी केन्द्रका १७, नेपाली कांग्रेसका १६, एमालेका १०, एकीकृत समाजवादीका ८, जसपाका ३, जनमोर्चा, लोसपा, मनोनीत गरी १—१ सांसदले मत हाल्नेछन्।
