रतुवा खोलामा आएको बाढीले गौरादहका २५ घर डुबानमा
गौरादह । रतुवा खोलामा आएको बाढीका कारण गौरादहका २५ घर डुबानमा परेका छन् । मंगलबार दिउँसो साढे १ बजेको समयमा जिल्ला गौरादह नगरपालिका-६ स्थित रतुवा खोलामा पानीको बहाव बढेर टंगुवा टोलमा रहेको ताजपुरीया बस्तीमा पस्दा २५ घर डुबानमा परेका हुन् । घरमा पानी पसेर सामान्य क्षति पु¥याएको भन्ने खबर प्राप्त हुनासाथ प्रहरी टोली खटिएको जिल्ला प्रहरी कार्यालयले जनाएको छ । मानिसहरू विस्थापित हुने अवस्था तत्काल नरहेको र खोलामा पानीको बहाव घट्ने क्रममा रहेको प्रहरी निरीक्षक ढुण्डिराज गिरीले जानकारी दिए ।
