पहिरोसँगै खसेको ढुंगाले लागेर घाइते महिलाको मृत्यु
झापा । ताप्लेजुङको फक्ताङलुङ गाउँपालिका–३ खेसेवामा पहिरोसहित खसेको ढुंगाले लाग्दा घाइते भएकी महिलाको मृत्यु भएको छ ।
गुडिरहेको जिपमा सवार महिलालाई ढुंगाले लागेको थियो । जिल्ला प्रहरी कार्यालयका सूचना अधिकारी प्रहरी निरीक्षक विवेक बस्नेतका अनुसार सदरमुकामबाट फक्ताङलुङतर्फ जाँदै गरेको मे १ ज १३६२ नम्बरको जिपमा सवार फक्ताङलुङ–३ तावाकी निर्मला गुरुङ घाइते भएकी थिइन् । घाइते निर्मलालाई जिल्ला अस्पताल ताप्लेजुङमा साँझ ६ः४० बजे ल्याई डाक्टरले चेकजाँच गर्दा उनको मृत्यु भइसकेको जानकारी दिएका थिए । पिकअप तथा पिकअप चालकलाई प्रहरी चौकी शिवामा ल्याएर राखिएको प्रहरीले जनाएको छ 
