देउसीको दानले विद्यालयमा मन्दिर

रोङ । तिहारको अवसरमा देउसीबाट संकलित दानले विद्यालयमा सरस्वतीको मन्दिर बनाइने भएको छ । 

रोङ गाउँपालिका-६ को सरस्वती माध्यमिक विद्यालयले तिहारको अवसरमा देउसी दान र मन्दिर निर्माण अभियान संचालन गरेर १ लाख १ हजार ४४७ रुपैयाँ नगद र निर्माण सामाग्री संकलन गरेको छ । पाँच हजार माथिका दाताको शिलालेखमा नाम लेखिने भएको छ ।

मन्दिर निर्माणका लागि  बसेको बैठकले विद्यालय व्यवस्थापन समिति, शिक्षक अभिभावक संघ र सरोकार राख्ने अभिभावकले मन्दिर निर्माण स्थलको छनोट गरी नपुगेको रकमा रोङ गाउँपालिकासँ लागत साझेदारीको प्रस्ताव गर्ने निर्णय गरेको छ । यस्तै, स्वेच्छिक दाताहरू र पूर्वविद्यार्थीहरू, पूर्वशिक्षकसँग समन्वय गर्ने निर्णय गरेको छ । मन्दिरको आगामी वसन्त पञ्चमीका दिन उद्घाटन गर्ने लक्ष्य साथ मन्दिर निर्माण प्रकृया अगाडि बढाइने विद्यालय व्यवस्थापन समिति अध्यक्ष प्रेम साङपाङ राईले बताए ।