दिनदहाडै विराट–अर्जुन सहकारीको पसलबाट चोरी गर्ने शिवसताक्षीका मगर पक्राउ
बिर्तामोड । दिनदहाडै बिर्तामोड ४ स्थित विराट–अर्जुन उपभोक्ता सहकारी संस्थाको सहकारी पसलबाट चोरी गर्ने युवक पक्राउ परेका छन् ।

पक्राउ पर्नेमा शिवसताक्षी ७ झिलझिले बस्ने २४ वर्षीय विवेक मगर रहेका छन् । उनले गत चैत २ गते बिहान ९.५४ बजे सहकारी पसलबाट १३ हजार ८०० रुपैयाँ चोरी गरेका थिए ।
सहकारी पसलको सटर बन्द गरेर संचालकहरुले बैठक गरिरहेको मौकामा मगरले चुकुल खोलेर चोरी गरेका थिए । चोरी गर्दै गरेको सीसीटीभी फुटेज भाइरल भएको थियो । त्यसकै आधारमा पहिचान गरी प्रहरीले मगरलाई पक्राउ गरेको हो ।