इलाममा १५ दिनदेखि बेपत्ता विमलाको शव माटोमुनि भेटियो उनकै श्रीमानले गाडेको अनुमान
इलाम । इलाममा १९ वर्षीया युवतीको शव माटोमुनि गाढिएको अवस्थामा फेला परेको छ ।
चैत १ देखि हराइरहेकी फाकफोकथुम गाउँपालिका–३, सल्लेरीकी विमला कट्टेलको शव १५ दिनपछि फेला परेको प्रहरीले जानकारी दिएको हो । उनि गर्भवती रहेको र यही चैत १८ गतेको नानी जन्मने डेट रहेको पारिवारिक स्रोतले जानकारी दियो ।
विमलाको शव फाकफोकथुम–२, धार्नेखोपको दाहाल गोलाईमा माटोमुनि गाढिएको अवस्थामा फेला परेको डिएसपी मानबहादुर राईले बताए । ‘अहिले शव उत्खनन तयारी भइरहेको छ,’ उनले भने, ‘घटनाको थप अनुसन्धानका लागि उनकै पति हाम्रो नियन्त्रणमा छन् ।’ उनका श्रीमान जेसिबीका अप्रेटर हुने । जेसिबीनै प्रगोग गरेर गाडेको हुनसक्ने स्थानियले बताए । विमला बेपत्ता भएको भन्दै उनका ससुरा कृष्णलाल गिरीले प्रहरीमा निवेदन दिएका थिए ।देउमाई नगरपालिका जितपुर माइत भएकी विमलाका पति उमेश गिरीलाई प्रहरीले पक्राउ गरेको हो ।
