मेचीनगरमा आगलागी,दुई घर जलेर नष्ट
झापा , माघ २७ । झापाको मेचीनगरमा भएको आगलागीबाट दुई घर जलेर नष्ट भएको छ ।
आज बिहान अन्दाजी १०ः४५ बजेको समयमा मेचीनगर नगरपालिका १५ भिडीबस्तीका दुई घर जलेर नष्ट भएको हो ।
लिलमुनि किस्कूको टीनको छाना, बाँसको बेरा भएको घर र घरभित्र रहेका अन्नपात, लत्ताकपडा, भाँडावर्तन, नगद ८ हजार पूर्ण रुपले जल्दा अन्दाजी २ लाख ३८ हजार बराबरको क्षति भएको छ ।
त्यस्तै सोही ठाउँका बड्का मुर्मूको टीनको छाना, बाँसको बेरा भएको घर र घरभित्र रहेका अन्नपात, लत्ताकपडा, भाँडावर्तन गरी अन्दाजी १ लाख ५० हजार बराबरको क्षति भएको प्रहरीले जनाएको छ । आगलागीको कारण थाहा हुन सकेको छैन । उक्त आगो स्थानीयबासी, नेपाल प्रहरीको सहयोगमा बिहान ११ः३० बजेको समयमा नियन्त्रणमा आएको जिल्ला प्रहरी कार्यालयले जनाएको छ ।
