ट्रयाक्टरको ठक्करपछि अनियन्त्रित मोटरसाइकलको ठक्करबाट पैदल यात्रीको मृत्यु
झापा । ट्रयाक्टरको ठक्करपछि अनियन्त्रित बनेको मोटरसाइकलको ठक्करबाट एक पैदल यात्रीको मृत्यु भएको छ ।
हिजो दिउँसो १ बजे मोरङको रंगेली– १ स्थित भित्री सडकखण्डमा प्रदेश १–०४–००१ त १००४ नम्बरको ट्रयाक्टरले को ६ प ६५४६ नम्बरको मोटरसाइकललाई ठक्कर दिएको थियो । ट्रयाक्टरले ठक्कर दिएपछि अनियन्त्रित बनेको मोटरसाइकलले पैदलयात्री धनपालथान गाउँपालिका ६ का ४५ वर्षीय सिटुरु ऋषिदेवलाई ठक्कर दिएर गम्भीर घाइते बनाएको थियो । घाइते माझीको उपचारका क्रममा विराटनगरको गोल्डेन अस्पतालमा मृत्यु भएको हो ।
मोटरसाइकल चालक धनपालथान–१ का ४५ वर्षीय रामबहादुर माझी थारु र पछाडि सवार उनकै पत्नी अन्दाजी ३६ वर्षीया मंगली चौधरी घाइते भएका छन् । दुवै जनाको घाइते गोल्डेन अस्पतालमा उपचार भइरहेको छ । ट्रयाक्टर र चालक धनपालथान–४ का २० वर्षीय रविन मण्डललाई रंगेली प्रहरीले नियन्त्रणमा लिएको छ ।
