श्रीलंकाको पोष्टमा ६ गोल गर्दै नेपाल समूह विजेता बन्यो
झापा । साफ वुमन्स च्याम्पियनसीपमा नेपालले श्रीलंकामाथि ६–० को जित निकालेको छ । यससँगै नेपाल समूह विजेता बन्दै सेमिफाइनल प्रवेस गरेको छ ।
त्रिपुरेश्वरस्थित दशरथ रंगशालामा भएको खेलमा नेपालले श्रीलंकालाई ६–० ले हराएको हो । अघिल्लो खेलमा भुटानले माल्दिभ्सलाई १३–० ले हराएकाले नेपाललाई समुह बिजेता बन्न कम्तिमा ६–० को जित चाहिएको थियो ।
नेपालले समूहमा ७ अंक जोड्दा उपविजेता बनेको भुटानले पनि ७ अंक नै जोड्यो। गोलअन्तरमा भने नेपालले भुटानलाई एक गोलले पछि पार्यो।यसअघि नेपालले माल्दिभ्सलाई ११-० गोलले पराजित गर्दा भुटानसँग गोलरहित खेलेको थियो।
अब नेपालले आइतबार दोस्रो सेमिफाइनलमा भारतसँग खेल्नेछ। त्यसअघि भुटान र बंगलादेश पहिलो सेमिफाइनलमा भिड्ने छन्। बिहीबार समूहको अन्तिम खेलमा नेपालले श्रीलंकाविरूद्ध पहिलो हाफमै चार गोल गर्दा दोस्रो हाफमा दुई गोल गर्यो।
