शिवसताक्षीमा एकै परिवारका तीन मृत फेला
झापा । झापाको शिवसताक्षी नगरपालिका वडा नं ३ भोटेपुलमा शुक्रबार बिहान एकै परिवारका तीनजना मृत अवस्थामा फेला परेका छन्।
दुई बालकसहित तीनजना मृत फेला परेको जिल्ला प्रहरी कार्यालय झापाले जनाएको छ।स्थानीय सुजन बेस्राकी २५ वर्षीया श्रीमती अन्जली बेस्रा, उनका छोराहरु ९ वर्षका बिशाल बेस्रा र ३० महिनाका आयुष बेस्रा मृत फेला परेका हुन् ।
प्रहरीका अनुसार अन्जली झुन्डिएको अबस्थामा फेला परेकी छन् । आफ्ना दुई छोरालाई विष सेवन गराई हत्या गरेपछि उनले आत्महत्या गरेको हुनसक्ने आशंका गरिएको छ । प्रहरी टोलीले घटनास्थल पुगेर अनुसन्धान गरिरहेको छ ।
