समय सीमा सात दिन, को बन्ला मुख्यमन्त्री ?
झापा ।
प्रदेश नं. १मा नयाँ सरकार गठनका लागि आह्वान गरिएको छ । प्रदेश प्रमुख पर्शुराम खापुङले संविधानको धारा १६८ को उपधारा २ अनुसार सरकार गठनका लागि आह्वान गरेका हुन् ।
धारा १६८ को उपधारा अनुसार सरकार गठन गर्न प्रदेशसभामा कुनै पनि दलले स्पष्ट बहुमत प्राप्त नगरेकाले अब उपधारा २ अनुसार प्रदेशसभामा प्रतिनिधित्व गर्ने दुई वा दुईभन्दा बढी दलको समर्थनमा बहुमत पु¥याएर मुख्यमन्त्री नियुक्तिका लागि दाबी पेश गर्न प्रदेश प्रमुखबाट आव्हान भएको हो ।
पुस २४ गते आइतबार बेलुका ५ बजेभित्र दावी पेश गर्न आव्हान गरिएको प्रदेश प्रमुखको कार्यालयका प्रवक्ता नरेन्द्रकुमार श्रेष्ठद्वारा जारी गरिएको पत्रमा उल्लेख छ । प्रदेशसभामा नेकपा (एमाले) का ४०, नेपाली कांग्रेसका २९, नेकपा (माओवादी केन्द्र) का १३, राप्रपाका ६, नेकपा (एकीकृत समाजवादी) का चार र जसपाका एक प्रदेशसभा सदस्य छन् । ९६ सदस्यीय प्रदेशसभामा सरकार गठनका लागि ४७ प्रदेशसभा सदस्य आवश्यक पर्छ ।
सरकार गठनमा अलमल
प्रदेश १ मा सरकारको नेतृत्व कुन दलले गर्ने भन्ने विषयको टुङ्गो नलाग्दा सरकार गठनमा अलमल देखिएको छ । प्रदेश प्रमुख खापुङले प्रदेश सरकार गठनको आव्हान गरे पनि केन्द्रको निर्णय कुरेर बसेका सत्ता साझेदार दल नेकपा एमाले र माओवादी केन्द्र अहिले अलमलमा परेका हुन् ।
केन्द्रले मुख्यमन्त्रीको विषयमा टुंगो लगाउन ढिलाइ गर्दा ती दलले सरकार गठनका लागि आवश्यक छलफल नै अगाडि बढाउन सकेका छैनन् । यद्यपि ती दलका नेताहरू भने सरकार गठनका निम्ति छलफल शुरु हुने दाबी गरेका छन् ।
प्रदेश प्रमुख खापुङले प्रदेश नं. १को मुख्यमन्त्री नियुक्त गर्नका लागि २०७९ पुस २४ गते आइतबार बेलुकी ५ बजेभित्र दाबी पेश गर्न समय–सीमा दिएका छन् । सरकार बनाउन एक हप्ताको समयसीमा भएपनि सरकारको नेतृत्व कसले गर्ने भन्ने विषयको अझैं टुङ्गो लागेको छैन । प्रदेश १मा एमाले र माओवादी केन्द्र दुवैले सरकारको नेतृत्वमा दावी गर्दै आएका छन् ।
नेकपा एमालेले मुख्यमन्त्रीका रुपमा संसदीय दलका नेता हिक्मत कार्कीलाई अघि सारेको छ भने माओवादीले दलका नेता इन्द्र आङ्बोलाई मुख्यमन्त्रीका रुपमा अघि सारेको छ । माओवादी केन्द्र प्रदेश संसदीय दलका नेता आङ्बोले प्रदेश प्रमुखले सरकार गठनका लागि आव्हान गरिसकेकाले केन्द्रमा बनेको गठबन्धनभित्रका दलहरुलाई प्रतिनिधित्व गर्ने पार्टीबीच प्रदेशको सरकार गठनका लागि छलफल चलाइने बताए । सत्ता गठबन्धनले सरकारमा सहमति जुटाउन नसके प्रमुख प्रतिपक्षी नेपाली कांग्रेसले अन्य दलसँग तालमेल गरी सरकार बनाउने सम्भावना पनि उत्तिकै रहेको स्रोतले जनाएको छ । त्यस्तो तालमेल भए कांग्रेसबाट संसदीय दलका नेता तथा पार्टीका प्रदेश सभापति उद्धव थापा मुख्यमन्त्री बन्ने सम्भावना रहेको बताइन्छ ।
केन्द्रमा बनेको गठबन्धनले शक्ति बाँडफाँडका विषयमा गरेको निर्णय आफूहरुलाई स्वीकार्य हुने पनि उनले बताए । तर, माओवादीले मुख्यमन्त्रीमा दाबी गर्ने निर्णय गरेको उनको भनाइ छ । आङ्बोले अघिल्लो पटक एमालेलाई सरकारको निम्ति सहयोग गरेकाले अबको सरकारको नेतृत्वमा एमालेले आफूहरुलाई सहयोग गर्नुपर्ने बताए । यसअघि मुख्यमन्त्री, सभामुख, प्रदेश प्रमुख एमालेलाई दिएर सहयोगी दलका रुपमा आफूहरुले भूमिका निर्वाह गरेकाले पनि यसपटक आफ्नो दाबी स्वभाविक रहेको उनको भनाइ छ ।
यता, एमालेले पनि प्रदेशसभाको सबैभन्दा ठूलो दल भएकाले आफूहरुले मुख्यमन्त्री पाउनुपर्ने दाबी गर्दै आएको छ । एमाले संसदीय दलका नेता हिक्मत कार्कीले अहिलेको अवस्थामा प्रदेश १को मुख्यमन्त्रीमा एमालेको सशक्त दाबी रहेको बताए । यद्यपि सत्ता गठबन्धनभित्रका दलहरुमा शक्ति बाडफाँडबारे केन्द्रबाट आउने निर्णय अनुसार आफूहरु अघि बढ्ने उनको भनाइ छ ।
केन्द्रले गरेको निर्णयलाई कार्यान्वयन गर्दै सत्ता गठबन्धन दलहरुबीच आपसी छलफलबाट पद बाँडफाँडको विषय टुंग्याउने कार्कीले बताए । प्रदेश प्रमुखले दिएको समयसीमा अगावै सहमति गरी सरकार गठनको प्रकृया अघि बढाइने उनको दाबी छ । मंसीर ४को निर्वाचनम कुनै पनि दलले बहुमत पु¥याउन नसकेपछि प्रदेश प्रमुख खापुङले एक साताको समय दिएर संविधानको धारा १६८को उपाधारा २ बमोजिम दुई वा दुईभन्दा बढी दलहरुलाई सरकार निर्माणको आव्हान गरेका हुन् ।
प्रदेश १मा सबैभन्दा ठूलो दल एमालेको ४० सिट रहेको छ । कांग्रेस २९, माओवादी केन्द्र १३, एकीकृत समाजवादी पार्टीको ४, जनता समाजवादी पार्टीको १ र राप्रपाको ६ सिट छ । बहुमतको सरकार निर्माणका लागि ४७ सिट संख्या आवश्यक पर्छ । प्रदेशमा एकल सरकार निर्माणको लागि प्रष्ट बहुमत पुग्ने अवस्था छैन। तर केन्द्रमा फेरिएको समीकरण अनुसार एमाले र माओवादी मिलेमा पनि सुविधासहितको सरकार गठन हुने अवस्था छ ।
यहाँ गत आइतवार निर्मित सत्ता गठबन्धनको बहुमत छ । प्रदेश १मा एमाले, माओवादी र राप्रपा मिलेर सजिलै सरकार बनाउन सक्छन् । अहिले सातदलीय गठबन्धनका दलहरु एमालेका ४०, माओवादी केन्द्रका १३, राष्ट्रिय प्रजातन्त्र पार्टीका ६ र जनता समाजवादीका १ गरी ६० सांसद हुन्छन् ।
Source : Purwanchal Daily
You actually make it appear really easy together with your presentation however I to find this topic to
be really one thing which I think I would never understand.
It sort of feels too complicated and extremely vast
for me. I am looking ahead in your next post, I will try to
get the hold of it! Lista escape roomów
Very interesting details you have observed, thank you for posting..
Very excellent info can be found on site. Travel blog
This was beautiful Admin. Thank you for your reflections.
Nice post. I learn something totally new and challenging on websites
I appreciate you sharing this blog post. Thanks Again. Cool.
Hi there to all, for the reason that I am genuinely keen of reading this website’s post to be updated on a regular basis. It carries pleasant stuff.
Hi there to all, for the reason that I am genuinely keen of reading this website’s post to be updated on a regular basis. It carries pleasant stuff.