चर्च ब्वाईज झापा गोल्डकपको फाइनलमा
झापा। चर्च ब्वाईज युनाईटेड छैटौं संस्करणको झापा गोल्डकप फुटबलको फाइनल प्रवेश गरेको छ । शनिबार घरेलु टोली झापा ११ लाई टाईब्रेकरमा हराउँदै चर्च ब्वाईज प्रतियोगिताको फाइनल प्रवेश गरेको हो ।
![](https://sajhaaksher.com/wp-content/uploads/2020/10/rs.jpg)
![](https://sajhaaksher.com/wp-content/uploads/2024/03/received_451826107180264.jpeg)
खेल अवधी भर दुबै टोली ले उत्कृष्टा प्रदर्शन गरे पनि निर्धारित समयमा गोल गर्न नसक्दा खेल अतिरिक्त समय मा धकेलिएको थियो।
थपिएको समयम समेत खेल गोल रहित बराबरीमा सकिएपछि निर्णय टाइब्रेकरका आधारमा गरिएको थियो । जसमा चर्च ब्वाईजले ४–३ ले बाजी मारेको हो ।
टाइब्रेकरमा झापा११ का आदित्य शाक्य, विवेक पौडेल, आशिष चापागाईले गोल गरेका थिए ।झापाका प्रदीप बुढाथोकीको प्रहार पोस्टमा लागेर फर्किएको थियो भने विदेशी खेलाडी ह्यारिसनको प्रहार चर्च ब्वाईजका दीप कार्कीले बचाएका थिए।
चर्च ब्वाईजका सुरजज्यू ठकुरी, विजय भुजेल, ओबायामी र दीप कार्कीको प्रहार सफल भएको थियो । विदेशी खेलाडी सोर्गेटिकाको प्रहार झापाका सन्दीप लिम्बुले बिफल बनाएका थिए ।
चर्च ब्वाईजले अब उपाधिका लागि २८ गतेसोमबार विभागीय टिम एपीएफसँग खेल्नेछ ।
गोल्डकपको विजेता टिमले नगद १३ लाख रुपैयाँ हात पार्नेछ भने उपविजेताले नगद सात लाख रुपैयाँ पाउने छ प्रतियोगिताका मस्ट भ्यालुएबल प्लेयरलाई एकथान मोटरसाइकल प्रदान गरिनेछ । उत्कृष्ट गोलकिपर, उत्कृष्ट डिफेन्डर, उत्कृष्ट मिडफिल्डर, उत्कृष्ट प्रशिक्षक र उच्च गोलकर्ताले २५ हजार रुपैयाँ पुरस्कार पाउनेछन्।