बिहारसँग सिमा जोडिएको झापाको दक्षिणी क्षेत्रमा तस्करी मेला

झापा । भारतको बिहार राज्यसँग सिमा जोडिएको झापाको दक्षिणी क्षेत्रका बिभिन्न स्थानबाट ब्यापक तस्करी भइरहेको पाइएको छ । कपडा, जुत्ताचप्पल, सुर्ति, चिनी, कम्प्युटरका पार्टस लगायतका करोडौ मुल्य बराबरका अबैध सामाग्रीको तस्करी हुने गरेको हो ।

झापा गाउँपालिकाको झापा बजार पश्मिबाट स्थानिय राजेस , बिनोद लगायतका नाम गरेका ब्यक्तिहरुको संलग्नतामा किराना र कपडा तस्करी भईरहेको छ । श्रेष्ठले सेटिङ मिलाएर भद्रपुरका कपडा ब्यापारी संजिब घोषको कपडा तस्करी गर्दै आएका छन् । त्यसैगरी पन्थापाडाको कुटी नाकाबाट तुलाराम हलुवाई, तिलक राजवंशी, मोती राजवंशी र राजा सरकारले चिनी र कपडाको लाइन चलाउँदै आएका छन् । उनिहरुले भारतीय भूमीसम्म पिकअपमा सामान ल्याउने र त्यहाँ अनलोड गरेर साईकल मार्फत नेपाल भित्र्याउने गरेका छन् । उनिहरुले दैनिक करिब दूई ट्याक्टर भन्दा धेरै चिनी तस्करी गर्ने गरेको स्रोत बताउँछ । त्यस्तै यो समुहले पनि संजिब घोषकै लागि कपडा तस्करी गर्दै आएको छ । त्यतीमात्रै होईन यही समुहले साबुदाना र सुपारी पनि भारततिर तस्करी गर्दै आएको छ ।

यस्तै भद्रपुरस्थित मेची हडियाको दोभान नजिकै रहेको बंशल बगानबाट पनि तस्करी भईरहेको पाईएको छ । पहीले गोरु तस्करीमा संलग्नहरुले अहिले कपडा, कम्प्युटरको पार्टस, ब्राण्डेड जुत्ता चप्पललगायतका सामानको तस्करी गर्दै आएका छन् । भद्रपुरका बिपिन कार्की, बिशाल पकुवाल,सोनु गुप्ता लगायका ब्यक्तीहरुको संलग्नतामा तस्करी हुने गरेको छ । भारततिर तस्करीको चाँजोपाजो डाँगीजोतका समिम मियाले मिलाईदिने गरेका छन् । यो समुहले तस्करी गर्ने गरेको कपडा समेत संजिब घोषकै रहेको बुझिएको छ । स्थानिय किच्चकबध नाकाबाट समेत सुरेस मगरले संजिब घोषकै लागि कपडा तस्करी गर्ने गरेका छन् ।
यसैगरी अरुण शाहा नाम गरेका तस्करले टाँगनडुब्बाबाट दैनिक २० पोका कपडा संजिब घोषको लागि तस्करी गर्दै आएका छन् । कुन्जिबारी नाकाबाट पनि मनोज शाह र अनिल महादेबले कपडाको तस्करी गर्दै आएका छन् ।